Бишкек, 11.10.17. /Айжамал Дуйшоева - Кабар/. Кыргызстандык спортчу Айсабек Полатбеков күрөш боюнча ардагерлер арасындагы Дүйнө чемпиондугунда күмүш медаль утту.
Мелдеш Пловдив (Болгария) шаарында 10-15-сентябрь күндөрү өтөт.
Полатбеков 55-60 жаштагы спортчулардын арасында 62 кг салмактагы категорияда грек-рим күрөшү боюнча мелдешке чыккан. Аталган категория боюнча бардыгы болуп 8 спортчу катышкан.
Полатбеков алгач Венгриялык спортчу менен беттешип, 5:3 эсебинде уткан.
Андан соң Италиялык спортчу менен кармалыш, финалда АКШлык балбан менен беттешип, 0:2 эсебинде жеңилип калып, экинчи орунга ээ болуп, күмүш медаль тагынган.
Аталган мелдешке Кыргызстандын атынан 10 спортчу катышууда. Алардын арасында мурунку ички иштер министри, Күрөш федерациясынын вице-президенти Мелис Турганбаев дагы бар.
Пикир
Оставить комментарий