Бишкек шаарында Самбо боюнча эл аралык турнир өткөрүлөт

Бишкек, 18.05.21. /Кабар/. Бишкектин “Арча-Бешик” конушундагы "Газпром-Балдарга" спорт-эс алуу комплексинде Азия чемпиону, Дүйнө чемпиондугунун коло медалынын ээси жана Кыргызстандын көп жолку чемпиону Бекболот Рахатбековдун жаркын элесине арналган самбо боюнча эл аралык турнирдин ачылышы болот.

Маалыматка ылайык, чемпионат 22-23-майда 2003-2005, 2006-2008-жылы туулган балдар арасында өтөт.

Мелдештер Кыргызстанда самбонун массалык өнүгүүсүн жайылтуу, спорттун чеберчилигин жогорулатуу, КМШ республикаларынын спорт командалары менен достук мамилелерди түзүү максатында өткөрүлөт.

Иш-чараны Бишкек шаарынын мэриясынын дене тарбия жана спорт башкармалыгы КР Самбо федерациясы жана "Бекболот Рахатбековдун " спорттук клубу менен биргеликте уюштурууда.

Жеңүүчүлөр кубок, медалдар жана баалуу сыйлыктар менен сыйланат.

Иш-чаранын ачылышы 22-майда саат 12.00дө болот.