Бишкек, 10.05.22. /Кабар/. Бишкекте бир жуманын ичинде 3 миң 455 жол эрежесин бузуу фактысы катталган. Бул тууралуу Милициянын кайгуул кызматынын басма сөз кызматы билдирет.
Маалыматка ылайык, анын ичинде:
- 28 айдоочу мас абалында унаа башкарган;
- автоунаанын алдыңкы жана каптал терезелерин караңгылатып айдоо - 24;
- айдоочулук кубөлүгү жок автоунаа башкаруу - 27;
- коопсуздук курун тагынбаган айдоочулар - 925;
- жасалма номер менен автоунаа башкаруу - 2;
- жөө жүргүнчүлөр жана велосипедчендер катышкан жол эрежелерин бузуулар - 111. Башка жол эрежелерин бузуулар 2 338. Ал эми ар кандай эреже бузган 447 автоунаа айып короо жайына токтотулган.
Милициянын кайгуул кызматы башкармалыгы айдоочуларды жол эрежесин так сактоого чакырат.
Пикир
Оставить комментарий