Бишкек, 24.03.21. /Кабар/. Футбол боюнча Кыргызстандын олимпиадалык курама командасы "Үч улуттун кубогу" мелдешине катышууда. Бул тууралуу Кыргыз футбол бирикмесинен билдиришти.
Аталган футболдук беттеш 22-мартта башталып, 30-мартка чейин уланат. Мелдешке Кыргызстандын 23 жашка чейинки футболчулары катышууда. "Үч улуттун кубогуна" Кыргызстан, Непал жана Бангладештин командалары күч сынашууда.
Кыргызстандык футболчулар эртең 25-мартта Непалдын курама командасы менен оюн өткөрөт. Беттеш Бишкектин убактысы менен саат 17:45те башталат.
Эскерте кетсек, кечээ, 23-мартта Кыргызстан Бангладештин курамасына 1:0 эсебине утулуп калган.
Пикир
Оставить комментарий