Бишкек, 29.05.23. /Кабар/. Ош шаарында эртең, 29-майда газ берүү убактылуу токтотулат. Бул тууралуу “Газпром Кыргызстан” ЖЧКсынын “Ошгаз” филиалы билдирди.
Маалыматка ылайык, көгүлтүр от саат 10:00дөн 17:00гө чейин Масалиев, Раимбеков, Ош, Ашимахунов, Алай, Аношин көчөлөрүндө жок болот.
Ишкана көгүлтүр от берүү Масалиев, Раимбеков көчөлөрүнүн кесилишинде орточо басымдагы 325 мм газ түтүгүнөн газ чыгуусу аныкталып, газдын чыгышына жол бербөө, коопсуздукту камсыздоо максатында оңдоо иштерине байланыштуу токтотуларын белгиледи
Ошондой эле ишкана шаар тургундарын ушул мезгил аралыгында газ жабдууларын колдонбоону жана күйгүзүп калтырбоону, газ жабдууларды өчүрүүдө жана иштетүүдө коопсуздук чараларын сактоону суранат.
Пикир
Оставить комментарий