Бишкек, 11.05.18. /Кабар/. Ханболот Ырысбеков Ливанда өткөн дзюдо боюнча өспүрүмдөр жана жаштар арасындагы Азия чемпионатында коло медаль утту,-деп билдирет КР аталган спорттун түрү боюнча федерациясы.
Бейрут шаарында 10-майда башталган мелдеш 14нө чейин уланат. Ага 20 өлкөдөн келген дээрлик 370 спортчу катышат.
Мелдештин биринчи күнүнүн жыйынтыгы боюнча КРдин байге куржунунда бир коло медаль бар. 50 кг салмактык категорияда Ханболот Ырысбеков үчүнчү орунду ээлеген.
Спорттук иш-чарага КРдин атынан 12 спортчу барган. Ага машыктыруучу Ислам Баялинов.
Пикир
Оставить комментарий