Бишкек, 09.10.23. /Кабар/. Бишкекте Көз карандысыз Мамлекеттер Шериктештигинин (КМШ) Мамлекет башчыларынын кеңешинин жыйыны өтүп жаткан учурда электр самокаттарды ижарага алууга убактылуу чектөөлөр киргизилет.
Муниципалитеттен билдиришкендей, электр самокаттарды тебүүгө чектөө 12-октябрда таң эртеден түнкү саат 00:00гө чейин делегациялар жүрүүчү жолдордо киргизилмекчи.
Белгилей кетсек, бүгүнкү күндө муниципалдык паркинг, унаа токтотуучу жай жана базарлар менен эки компания келишимдик мамиледе: «Промо Экспресс» ЖЧК (SunRent), «Абрикос» ЖЧКсы (e-motion).
Бишкек шаарынан жогоруда аталган эки ишканага электрсамокаттарын токтотуу үчүн 40 жай бөлүнүп берилген.
КМШ өлкөлөрүнүн саммити: Бишкекте электр самокаттарын ижарага алуу чектелет
Пикир
Оставить комментарий