Бишкек, 09.08.18. /Кабар/. Бишкек шаарынын мэриясынын Жерди пайдалануу жана курулуш башкармалыгынын кызматкери Рустам Бейшеналиев КТРКнын журналисти Бурулай Пусурманкуловага жасаган орой мамилеси үчүн жумуштан бошотулду.
Мэриянын басма сөз кызматынан кабарлашкандай, Бейшеналиев ээлеген кызматынан бүгүн, 9-августта бошотулган.
Маалыматка караганда, Бейшеналиев КРнын мамлекеттик жана муниципалдык кызматкерлеринин этика кодексинин 5-беренесин бузган.
Эске салсак, “Ала-Тоо 24” телеканалынын журналисти Бурулай Пусурманкулова социалдык тармакка мэриянын кызматкери ага маданиятсыз сөздөрдү айтуу менен басынтып жаткан видеосун жарыялаган.
Пикир
Оставить комментарий