Бишкек, 26.09.17. /Кабар/. “Манас” аэропортунда жасалма паспорт менен Өзбекстандын жараны кармалды. Бул тууралуу Мамлекеттик чек ара кызматынын коомчулук менен байланыш бөлүмү билдирет.
Маалыматка ылайык, 26-сентябрда “Манас-аэропорт” көзөмөл өткөрүү жайынын чек арачылары О.Б., аттуу 1984-жылы туулган Өзбекстандын жаранын жасалма паспорт менен колго түшүрүшкөн.
Казань-Бишкек багыты боюнча №858 каттамынын жүргүнчүлөрүн текшерүү учурунда Өзбекстандын жараны Кыргызстандын жаранына таандык жарым-жартылай жасалма болгон паспортту көрсөткөн.
Тиешелүү иш-кагаздар толтурулгандан кийин кармалган адамдар УКМКнын аймактык бөлүмүнүн кызматкерлерине тапшырылды.
Пикир
Оставить комментарий