Бишкек, 16.11.23. /Кабар/. Наристесин таштанды чакасына ыргыткан делген аял саламаттыгына байланыштуу камактан бошотулду . Бул тууралуу Бишкектин Октябрь райондук сотунан билдиришти.
Соттун маалыматына караганда, шектүү чет жакка кетпөө тил катынын негизинде камактан бошотулду. Учурда ал ооруканада дарыланууда.
Эске сала кетсек, 8-ноябрда болжол менен 23:30дар чамасында “102” кызматына белгисиз аял төрөп, ымыркайын Элебесов көчөсүндөгү таштанды чакага таштап кеткени тууралуу маалымат түшкөн.
Окуя болгон жерге тергөө-ыктам тобу барып, таштанды чакадан ымыркайды табышкан.
Аталган факты райондук милицияга каттоого алынып, учурда тергөөгө чейинки зарыл болгон иш-чаралар жүргүзүлүүдө.
Тергөө, ыкчам-издөө иш-чараларынын жүрүшүндө ымыркайдын энеси делип 2002-жылы туулган А.С. аттуу жаран кармалган.
Эмгек, социалдык камсыздоо жана миграция министрлигинин маалыматына таянсак, наристени таенеси багып алууга даяр.
Пикир
Оставить комментарий