Ноокенде дайынсыз жоголгон 25 жаштагы Алина Абдумомунованын сөөгү табылды

Бишкек, 28.02.22. /Кабар/. Ноокен районунда дайынсыз жоголгон 25 жаштагы Алина Абдумомунованын сөөгү табылды. Бул тууралуу Жалал-Абад облустук ички иштер башкармалыгынан билдиришти.

Маалыматка ылайык, кыздын сөөгү Жалал-Абад облусуна караштуу Базар-Коргон районунун Акман айылында жайгашкан Кайырма суу сактагычында табылган. Облустук милициядан кошумчалашкандай, учурда кыздын өлүмүнүн себеби аныкталууда.

Белгилей кетсек, Абдумомунова 6-январында саат 08:30 чамасында Ноокен районунун Алма айылында жашаган үйүнөн чыгып кеткен бойдон дайынсыз жоголгон.

Анын жүргөн жерин аныктоого мүмкүнчүлүк болбой жаткандыгына байланыштуу туугандары жана милиция аны табууга коомчулуктан жардам сураган.