Россиядагы көпүрө кырсыгынан жабыркаган 51 кыргызстандыктын абалы айтылды

Кырсык 0

Бишкек, 28.09.20. /Кабар/. Кыргызстандын Россиядагы элчилигинин басма сөз кызматынан Москва облусунун Ступин районундагы "ФМ Сидорово" логистикалык ишканада жөө жүргүнчүлөр өтүүчү көпүрө кырсыгынан жабыркаган 51 кыргызстандыктын абалы тууралуу маалымат беришти.

Элчиликтин билдирүүсүнө караганда, 2020-жылдын 27-сентябрында болжол менен саат 8:40 чамасында Москва районунун Ступино шаардык округундагы "ФМ Сидорово" коммерциялык уюмунун ишканасында кампадан чыгууга алып бара жаткан жөө адамдар өтүүчү көпүрө кулаган.

"Кыргыз Республикасынын бардык жабыр тарткан жарандарына тез арада медициналык жардам көрсөтүлдү. Өзгөчө оор жаракаттарды алган жарандарыбызга санитардык авиация тарабынан ооруканаларга жеткирилген", - деп билдиришти элчиликтен.

Алдын ала маалымата ылайык, көпүрө кырсыгынан каза болгондор жок.

Кырсыктан жабыркаган 51 кыргызстандыкка медициналык жардам көрсөтүлүп, анын ичинен, 29 жаран аймактык ооруканаларга жаткырылды:

- Ступино - 20 адам, орто жаракат алгандар, бардыгы канааттандырарлык абалда;

- Домодедово - 3 адам, экөөнө операция жасалды, бирөөнүн абалы өтө оор, бирөөнүн абалы оор, бирөөнүн болсо билеги сынган;

- Подольск - 3 адам, алардын бирине операция жасалды, башынан жабык жаракат алышты, абалы туруктуу;

- Раменска - 1 адам;

- Солнечногорск - 1 адам;

- Красногорск - 1 адам.

Текшерүү иш-чараларынын натыйжасында Россия Федерациясынын Кылмыш-жаза кодексинин 143-беренесинин 1-бөлүгүндө каралган "Этиятсыздык менен адамдын ден-соолугуна оор зыян келтирилген, эмгекти коргоонун талаптарын бузуу" каралган кылмыш белгилери боюнча кылмыш иши козголгон.

Кыргыз Республикасынын Россия Федерациясындагы элчилиги тарабынан көрүлгөн чаралар:

Окуя жөнүндө маалымат түшкөн учурдан баштап Россиянын Өзгөчө кырдаалдар министрлиги менен Москва облусунун Ступино шаардык округу менен тез жардам станциясы жана ыкчам байланыш түзүлдү.

2020-жылды 27-сентябры саат 10.30да Кыргыз Республикасынын Россия Федерациясындагы элчилигинин кеңешчилери А.Букалаев жана Н.Кубенов окуя болгон жерге барышкан.

Ошол жерде болгон Кыргыз Республикасынын бардык жарандары каттоодон өтүштү. Окуянын катышуучулары менен баарлашуу болду. Кыргыз Республикасынын Россия Федерациясындагы элчилигинин Кыргыз Республикасынын жарандарынын укуктарын коргоо боюнча комплекстүү чараларды көрүүгө даярдыгы билдирилди.

Россиянын Тергөө комитетинин Москва облусу боюнча Башкы тергөө башкармалыгынын, Россиянын Ички иштер министрлигинин Москва облусу боюнча Ички иштер башкармалыгынын прокуратурасынын өкүлдөрү менен жолугушуулар болуп өттү. Калыс иликтөөнү камсыз кылуу жана күнөөлүүлөрдү катуу жоопкерчиликке тартуу өтүнүчү айтылды.

Кыргыз Республикасынын Россия Федерациясындагы элчилигинин жооптуу кызматкери "FM Logistic" компаниясынын жетекчилиги менен сүйлөшүүлөрдү жүргүзүп, тактап айтканда, Кадрлар жана байланыш директору М. Шиповалова менен медициналык жана материалдык жардам көрсөтүү боюнча сүйлөшүүлөрдү жүргүзүп, жыйынтыгында:

- компания Россиянын "Альфа" камсыздандыруу компаниясы тарабынан бардык жабыр тарткандарды саламаттыгын калыбына келтирүүнү кошо алганда, керектүү медициналык жардамды көрсөтүүгө милдеттенет;

- ошол күнү жумушта болгон 160 кызматкердин баарына 50 миң рубль (8 миллион рубль) өлчөмүндө бир жолку материалдык жардам берилет;

- оор жаракат алган Кыргызстандын бардык жарандарынын туугандары үчүн Кыргызстандан Москвага учуу жол киресин төлөөгө.

Тиешелүү Кепилдик каты компаниядан алынды.

Ушул жылдын 27-сентябрында Ступино жана Домодедоводогу ооруканаларга барышты, дарыгерлер менен биргеликте бейтаптардын жолугушуулары өткөрүлдү.

Жумушчулардын туугандарына, жакындарына жана жабыр тарткандарга жардам көрсөтүү боюнча логистикалык компания менен келишим түзүп, Кыргыз Республикасынын жарандарынын укуктарын коргоо боюнча Кыргыз Республикасынын Россия Федерациясындагы Элчилиги тарабынан көрүлүп жаткан чаралар жөнүндө маалымат берилди.

Кыргыз Республикасынын Россия Федерациясындагы элчилигинин расмий кайрылуулары көпүрөнүн кулашы фактысы боюнча кылдат жана объективдүү иликтөө жүргүзүү өтүнүчү менен Москва облусу боюнча прокуратурага жана Россия Федерациясынын Ички иштер министрлигине жөнөтүлдү.

Ушул жылдын 28-сентябрында эртең менен. катышкан дарыгерлер менен телефон аркылуу сүйлөшүүлөрдү жүргүздү. Ошол эле учурда, Кыргыз Республикасынын Россия Федерациясындагы Элчилигинин эки кызматкери жабырлануучулардын абалын жеринде тактоо үчүн ооруканаларга барышты.

Дипломатиялык өкүлчүлүктүн демилгеси менен 2020-жылдын 28-сентябрында Кыргыз Республикасынын Россия Федерациясындагы элчилигинин кызматкерлери, Москва облусунун Эмгек инспекциясынын кызматкерлери менен бирдикте, Кыргыз Республикасынын жарандарынын эмгек укуктарынын корголушун камсыз кылуу максатында, алардын жумушка орношуусун тастыктоо максатында, Россия Федерациясынын эмгек мыйзамдарына ылайык, Кыргыз Республикасынын жарандарынын арасында сурамжылоо жүргүзүлдү.

Маселе Кыргыз Республикасынын Россия Федерациясындагы Атайын жана Ыйгарым укуктуу элчиси Аликбек Жекшенкуловдун көзөмөлүндө.

Пикир

Оставить комментарий