Бишкек, 19-июль /Кабар/. Ош облусуна караштуу Кара-Суу районунда теракт жасоого камынып жаткан, Сирияга барып келген кыргызстандык жаран кармалды,- деп билдирди УКМК басма сөз кызматы.
Маалыматка ылайык, 37 жаштагы М.Б. сирия-ирак аймагындагы согуштук аракеттерге катышып, атайын даярдыктан өтүп Кыргызстанда теракт жасоого камданып жаткан.
Анын жашаган жеринде 8 кг салмактагы жардыргыч заты, экстремисттик мүнөздөгү ар кандай электрондук маалымат булактары табылган.
Табылган жардыргыч зат жеринде жок кылынган.
Кармалган жаран УКМКнын убактылуу кармоочу жайына жеткирилип, ага карата кылмыш иши ачылды.
Пикир
Оставить комментарий