Бишкек, 07.02.22. /Кабар/. ӨКМдин Өрткө каршы-куткаруу кызматы Ысык-Көл районунун Чок-Тал айылында жайгашкан "Париж" пансионатындагы 300 чарчы метр аянттагы котеджде чыккан өрттү өчүрүштү.
Ведомствонун басма сөз кызматынан кабарлашкандай, алоолонгон өрт бүтүндөй имаратты каптап, толук күйүп кеткен. Жеринде эки бөлүм иш алып барып, өрт 6-февралда кечки саат 18:27де толугу менен өчүрүшкөн.
Тилсиз жоодон эч ким жабыркаган эмес, учурда өрттүн келип чыгуу себеби жана келтирилген чыгымдар такталууда.
КР ӨКМдин адистери сиздерди өрт коопсуздук эрежелерин так сактоого чакырат
Пикир
Оставить комментарий