Бишкек, 06.03.24. /Кабар/. Жол кыймылынын коопсуздугун камсыздоо башкы башкармалыгынын (ЖКККББ) жетекчиси Жеңишбек Жоробеков ведомствонун ардагерлери менен жолукту.
ЖКККББнын басма сөз кызматынан билдиришкендей, Жеңишбек Жоробеков ардагерлердин акыл-насаат, кеп-кеңештерин жана сунуш-пикирлерин уккан.
Ардагерлер жол коопсуздугун камсыздоо багытында көйгөйлүү маселелерди талкуулап, күнүмдүк жумуштарды аткаруу үчүн атайын ардагерлер бөлмөсүн бөлүп берүүнү ведомствонун жетекчилигине сунушташкан.
Андан тышкары;
– милиция кызматкерлери менен ардагерлер ортосундагы ынтымакты бекемдеп, жаш кызматкерлерге тажрыйбалуу кызматкерлерден насаатчыларды колго алуу;
– кызматкерлер арасындагы тартип жана мыйзам бузуулардын алдын алуу жана кесиптик деңгээлин жогорулатуу максатында окутуп үйрөтүү иштерин жүргүзүү багытындагы сунуштар айтылган.
Пикир
Оставить комментарий