Бишкек, 05.08.20 /Кабар/. Бишкекте бейтаптардын саны азайып, абал бир аз турукташып калгандыгына байланыштуу жети стационар убактылуу жабылды. Бул тууралуу Бишкек шаардык мэриясынын басма сөз кызматы билдирет.
Алар:
- "Сейтек" мектебиндеги стационар;
- №95 мектептеги стационар;
- №83 мектептеги стационар;
- №81 мектептеги стационар;
- №94 мектептеги стационар;
- "Арал" кафесиндеги стационар;
- Кара-Жыгач жаңы конушундагы "Салтанат" ресторанындагы түнкү стационар.
"Бардык медициналык жабдыктар, орундуктар сакталып, дезинфекциядан өткөрүлдү. Азырынча калган стационарлар кадимки тартипте иштеп жатат, шаар бийлиги кайрылгандардын динамикасына мониторинг жүргүзүп турмакчы", - деп айтылат маалыматта.
Кечээ күндүзгү стационарларга 964 адам кайрылса, 4нөн 5-августка караган түнү түнкү стационарларга бардыгы болуп 173 адам жардам сурап кайрылган.
Пикир
Оставить комментарий