Бишкек, 06.03.19. /Кабар/. Чүй облусунда белгисиз бирөөлөр жубайларга ок чыгарып, дээрлик 310 миң доллар алып кетишкен. Бул тууралуу облустук Ички иштер башкармалыгынын басма сөз кызматы билдирет.
Маалыматка ылайык, 6-мартта Аламедин райондук ИИБне жол кырсыгы тууралуу билдирүү келип түшкөн.
Маалым болгондой, Беш-Күнгөй айылында белгисиз бирөөлөр "Тойота-Харриер" үлгүсүндөгү автоунаанын айдоочусуна кол салып, дээрлик 310 миң долларын алып кетишкен. Унаанын ичинде 57 жаштагы С.Б., аттуу айдоочу жана 53 жаштагы С.М., аттуу жубайы болгон.
Алдын ала маалыматка ылайык, "Субару-Форестер" үлгүсүндөгү унаадан белгисиз адамдар тапанча менен чыгып, акчаны алып кетишкен.
Аталган факты Кылмыштар менен жоруктардын бирдиктүү реестринде каттоого алынды.
Учурда тиешелүү кызматтарга тапшырмалар берилип, ыкчам-иликтөө иштери уланууда.
Жабыркагандар ар кандай жаракаттар менен аймактык ооруканага жеткирилген.
Пикир
Оставить комментарий