Чылым чегүүгө болбойт. Коронавируска ПЧР-тест тапшырууга кантип даярдануу керек?

Бишкек, 09.02.22. /Кабар/. Коронавируска ПЧР-тест тапшырууга кантип даярдануу керек? деген суроого жооп беребиз.

Изилдөө үчүн мазок тамак бездеринен, таңдай жана кулкундан алынат. Үлгү мурун көңдөйүнөн алынганда зонд жетишерлик тереңдикте киргизилет.

ПЧР-тесттин жыйынтыгынын тактыгы мазок алуу эрежелерин сактоодон көз каранды.

Кулкундан мазок алардын алдында кеминде 3 сааттай:

• тамактанууга
• суюктук ичүүгө
• тишти тазалоого
• оозду/тамакты чайкоого
• ооз көңдөйү үчүн сергитүүчү спрей колдонууга
• сагыз чайноого
• чылым чегүүгө болбойт.

Мурун көңдөйүнөн мазок алганга чейин кеминде 3 сааттай:

• мурунду жууганга
• мурун үчүн спрейлерди, тамчыларды, майларды колдонууга болбойт.

Мазок алууга 2 күн калганда алкоголдук ичимдиктерди ичпей туруу сунушталат.