Бишкек, 28.04.22. /Кабар/. Ысык-Көл облусунун Каракол шаарында өспүрүмдөр арасында футбол боюнча турнир өтүүдө. Бул тууралуу Каракол шаардык мэриясынын басма сөз кызматы билдирет.
Маалыматка ылайык, кечээ, 27-апрелде башталган спорттук иш-чара Каракол шаарынын мэри Эрмат Жураевдин демилгеси менен уюштурулган.
Иш-чаранын максаты - шаар ичиндеги балдарды рэкетчиликтен, ичимдиктерден алыстатуу, спортко кызыктыруу болуп саналат.
Турнирге жалпы 9 команда катышып, алдыңкы катышуучуларга, командаларга байгелүү орундар, медаль жана кубоктор даярдалган.
Шаар башчысы Эрмат Жураев иш-чараны ачып жатып жаштарды ынтымакта болууга, шаардын тазалыгын сактоого, ини-карындаштарынын өсүшүүнө кайдыгер мамиле кылбоого чакырды.
Пикир
Оставить комментарий