Бишкек, 27.09.18 /Кабар/. Кечээ, 26-сентябрда Бишкекте Кыргызстан менен Өзбекстандын дипломаттык мамилелеринин орношунун 25 жылдыгынын жана Өзбекстандын эгемендүүлүгүнүн күнүнүн урматына арналган иш-чара өттү. Иш-чарага ардактуу коноктор, чиновниктер, маданият жана бизнес өкүлдөрү чогулушту.
Өзбекстан Республикасынын Кыргызстандагы толук жана ыйгарым укуктуу элчиси Комил Рашидов иш-чаранын башында сөз сүйлөдү.
“Өзбекстан жана Кыргызстандын башчыларынын саясий ролдорунан жана биргелешкен күч-аракеттеринен улам эки өлкөнүн өз ара мамилелери дагы ишенимдүүрөөк болуп, эки өлкөнүн бардык тармактардагы жемиштүү жана конструктивдүү кызматташтыгын тереңдетүүгө жакшы шарттарды түздү. Быйыл Өзбекстан менен Кыргызстандын дипломаттык мамилелерине 25 жыл болду. Саясий эрк жана конкреттүү практикалык кадамдардан улам өлкөлөр эки тараптуу кызматташтыкты стратегиялык өнөктөштүк деңгээлине чыгарышты, өз ара ишенимге бекем пайдубал салышты”, - деп белгиледи Рашидов.
КРнын Тышкы иштер министрлигинин статс-катчысы Айбек Омокеев куттуктоо сөзүн сүйлөдү.
“Өзбекстандын элин республиканын көз карандысыздыгынын 27 жылдыгы менен чын жүрөктөн куттуктайм. Кыргызстанда Өзбекстандын өлкөнүн социалдык-экономикалык турмушундагы жана эл аралык аренадагы жетишкендиктерин шыктануу менен байкап жана белгилеп турушат. Өзбекстандын жетекчилигинин аймак боюнча кошуналары менен мамилелерин жакындатууга багытталган жаңы стратегиясынан улам биз кыргыз-өзбек мамлекеттик чек арасын делимитациялоону алдыга жылдырууда ийгиликтерге жетиштик”, - деди Омокеев.
Пикир
Оставить комментарий