Кыргызстандык гимнаст Казакстанда өткөн турнирде күмүш утту

Спорт 0

Бишкек, 21.02.18. /Айжамал Дуйшоева – Кабар/. Кыргызстандык гимнаст Роман Пак Казакстанда өткөн турнирде күмүш медаль тагынган.

Турнир 12нен 16-февраль күндөрү Алмата шаарында өткөн. Ага Россия, Өзбекстан, Украина, Иордания, Казакстан жана Кыргызстандан дээрлик 70ке жакын спортчу катышкан.

Эркектер арасындагы мелдешке Кыргызстандын атынан Роман Пак катышкан.

Мелдеш гимнастикалык спорттун алты түрү боюнча өткөн.

Пак таянып секирүү дисциплинасында 12,650 упай алып, 2-орунга ээ болгон.

Пикир

Оставить комментарий