Кыргызстандын муфтийи Абдулазиз Закиров Ирандын элчиси менен жолугушту

Коом 0

Бишкек, 20.03.24. /Кабар/. Кыргызстан мусулмандар дин башкармалыгынын (КМДБ) муфтийи Абдулазиз Закиров Ирандын элчиси Голям Хоссейн Ядегари менен жолугушту.

Муфтияттын басма сөз кызматынан билдиришкендей, жолугушууда тараптар бири-бирин ыйык Рамазан айы менен куттуктап, кыргыз-фарс кызматташтыгын чыңдоо, маданий алакаларды бекемдөө боюнча пикир алышты.

Абдулазиз кары Закиров атайын убакыт бөлүп, зыярат кылган ирандык делегацияга ыраазычылык билдирип, иштерине ийгилик каалады.

Жолугушууга Ирандын Кыргызстандагы элчисинин орун басары Мостафа Кебритчи, маданият өкүлчүлүгүнүн жетекчиси Абузар Тогани, Кыргызстан мусулмандарынын Азирети Муфтийинин орун басары Асан Сыргабаев, КМДБнын аппарат жетекчиси Азамат Исмаилов, КМДБнын маалымат бөлүмүнүн башчысы Максат Атабаев, муфтийдин кеңешчиси Белек Жапаракунов катышты.

Пикир

Оставить комментарий