Министрлер кабинетинде аялдарга карата зордук-зомбулук боюнча чуулгандуу иштер талкууланды

Коом 0

Бишкек, 17.10.23. /Кабар/. Министрлер кабинетинин алдындагы Гендердик өнүктүрүү боюнча улуттук кеңештин жыйыны өттү. Бул тууралуу Эмгек, социалдык камсыздоо жана миграция министрлигинен билдиришти.

Маалыматка ылайык, жыйынды министрлер кабинетинин төрагасынын орун басары Эдил Байсалов алып барды.

Мамлекеттик жана муниципалдык башкаруунун ар кандай секторлорунда жетекчилик кызматтарда аялдардын өкүлчүлүгүн камсыз кылуу максатында Улуттук кеңеш 2030-жылга чейин аялдардын лидерлигин колдоо боюнча КР Мамлекеттик программасынын долбоорун жактырды.

Жыйындын жүрүшүндө кеңештин мүчөлөрү аялдарга карата зордук-зомбулук боюнча бир катар резонанстуу фактыларды талкуулап, ноябрь айынан тарта баштала турган “Аялдарга жана кыздарга карата гендердик зомбулукка каршы 16 күндүк активдүүлүк” жыл сайын өтүүчү иш-чаралардын планын бекитишти. 25 ураан астында: «Бириккиле! Аялдарга жана кыздарга карата зордук-зомбулуктун алдын алуу үчүн инвестиция салуу».

Отурумдун жыйынтыгында Эмгек, социалдык коргоо жана миграция министрлигине ошондой эле Бишкек шаарында сексуалдык жана үй-бүлөлүк зомбулуктан жапа чеккен аялдарга жана кыздарга жардам көрсөтүү борборун түзүү жөнүндө министрлер кабинетинин токтомунун долбоорун киргизүү тапшырылды.

Пикир

Оставить комментарий