Ош, 17.06.19 /Кабар/. Кечээ, Султан Ибраимов атындагы Ош Улуттук Драма театрынын алдында алгачкы палоо фестивалы болуп өтүү.
Бул иш-чаранын максаты Кыргызстанда күрүч эккен Ош, Жалал-Абад жана Баткен облустарындагы палоону даярдоонун салттары жана өзгөчөлүктөрү менен тааныштыруу болгон.
Фестивалга 200дөн ашуун адам келип, иш-чаранын негизги катышуучулары Өзгөн, Ноокат, Араван, Кара-Суу райондору, Ош шаары жана Ош облусунун жашоочулары болгон.
Кыргызстандын түштүк облустарында палоону даярдоонун өзүнүн өзгөчөлүктөрү бар жана ага күрүчтүн ар кандай түрү колдонулат.
Иш-чаранын жүрүшүндө, коноктор палоону даярдоонун ар кандай ыкмалары менен таанышып, анын ар кайсы түрүнүн даамын татып көрө алышты.
“Биз бул иш-чарага капысынан келип калдык. Фестивалдан улуттук тамак аштын даярдалышын биз өз көзүбүз менен көрө алдык”, - дейт Австриядан келген Вики Мартин.
“Эң даамдуу палоо” номинациясында Ош, кызыл-Кыя жана Өзгөн шаарынан келген катышуучулар мыкты деп табылган.
Фестивалдын жүрүшүндө аймактын мыкты ашпозчулары мастер-класстарды өтүп, тамак аш даярдоонун сырлары менен бөлүштү. Андан тышкары, күрүчтүн ар түрдүү сортторунун өзгөчөлүктөрү жана анын кыргыз экономикасына кошкон салымы тууралуу маалымат берилди.
Пикир
Оставить комментарий