Бишкек, 06.09.23. /Кабар/. Бүгүн Ош шаарынын "Керме-Тоо" муниципалдык аймактык башкармалыгынын 225-кварталында фельдшердик-акушердик пункттун (ФАП), окуу борборунун ачылыш аземи болуп өттү.
Аземге Ош шаарынын мэринин орун басары Нурбек Кадыров, эл аралык кайрымдуулук уюмдарынын жетекчилери жана жергиликтүү тургундар катышты.
Иш-чаранын алкагында курулушка салым кошкон Кувейт мамлекетиндеги “Шейх Абдулла Нурий” кайрымдуулук фондунун, “Ассанабил” эл аралык уюмунун жеткечилерине Ош шаарынын мэриясынын Ыраазычылык баракчалары тапшырылды.
Белгилей кетсек, 225-кварталда фельдшердик-акушердик пунктунан сырткары окуу борбор, мечит курулган. 1,5 жылдын ичинде курулуп бүткөн имараттардын жалпы аянты 400 метр квадраттан ашат.
Аталган кварталда жалпы 120 түтүн үйдө 400гө жакын жашоочу жашайт.
Пикир
Оставить комментарий