Бишкек, 06.09.23. /Кабар/. Бишкек шаарынын тургунунун унаасынан 3 кг марихуана баңгизаты табылды. Бул тууралуу Ички ищштер министрлигинен билдиришти.
Маалыматка ылайык, Баңгизатын мыйзамсыз жүгүртүүгө каршы күрөшүү кызматынын кызматкерлери ыкчам маалыматты текшерүү учурунда Бишкек – Торугарт жолунун 23-чакырымында "Тайота Авенсистин" унаасын токтотушуп, текшергенде унаанын багажнигинен көлөмү 5 литрлик пластик бөтөлкөнүн ичинде өзгөчө жыты бар эзилген зат алынган.
Алынган заттын жалпы салмагы 3 кг болгон 85 грамм кургатылган марихуана экени аныкталган.
Аталган факт боюнча КР Кылмыш-жаза кодексинин 282-беренесинде каралган кылмыштын белгилери менен кылмыш иши козголуп, кармалган айдоочу 39 жаштагы С.Р. андан ары иликтөө үчүн Октябрь райондук ички иштер башкармалыгынын тергөө кызматына жеткирилген.
Пикир
Оставить комментарий