Бишкек, 28.03.22. /Кабар/. Президент Садыр Жапаров бүгүн, 28-мартта, КР министрлер кабинетинин мүчөлөрү жана президенттик администрациянын түзүмдүк бөлүмдөрүнүн жетекчилери менен жумушчу кеңешме өткөрдү.
Президенттин басма сөз кызматынан кабарлашкандай, кеңешмеде өлкөдөгү социалдык-экономикалык кырдаал талкууланды.
Мамлекет башчысы кризиске каршы чаралардын планын, анын ичинде азык-түлүк коопсуздугун камсыздоо жана башка социалдык-экономикалык маселелерди чечүү боюнча өз убагында жана сапаттуу ишке ашыруу зарылдыгын белгиледи.
Президент Садыр Жапаров министрлер кабинетинин мүчөлөрүнө жана мамлекет башчысынын администрациясынын түзүмдүк бөлүмдөрүнүн жетекчилерине бир катар конкреттүү тапшырмаларды берди.
Пикир
Оставить комментарий