Бишкек, 26.02.22. /Кабар/. Жалал-Абадда кар көчкү алдында калган дагы бир жарандын сөөгү табылды. Бул тууралуу Өзгөчө кырдаалдар министрлигинин басма сөз кызматы билдирет.
Маалыматка ылайык, кар көчкү түшкөн аймакта дагы 2 адам дайынсыз болууда.
"Бүгүн издөө жана унаа жолду тазалоо иш-чараларынын натыйжасында саат 15:30 чамасында 1 кытай (аты-жөнү такталууда) жарандын жансыз денеси табылган. Учурда 2 кытай жаранын издөө иш-чаралары жана тазалоо иш-чаралары жүргүзүлүүдө", - деп айтылат билдирүүдө.
Белгилей кетсек, бүгүн түшкө маал Жалал-Абадда кар астында калган 24 жаштагы кыргыз жаранынын сөөгү табылган.
Эскерте кетсек, 14-февраль күнү Түндүк-Түштүк альтернативдик унаа жолунунун 332 жана 338-чакырымдарында (Көк-Арт ашуусу) кар көчкү түшүп, жол куруу ишин жүргүзүп жаткан "Чайна Роуд" ишканасынын 4 кызматкерин унаалары менен басып калган.
Пикир
Оставить комментарий