Бишкек, 02.09.20. /Кабар/. Жалал-Абадда унаа Нарын дарыясына кулап, 2 кыз жана 9 жашар бала каза болду, - деп билдирет Өзгөчө кырдаалдар министрлигинин басма сөз кызматы.
Маалыматка ылайык, 1-сентябрь күнү Бишкек-Ош унаа жолунун 449-чакырымында “Toyota-Wish” үлгүсүндөгү унаа жолдон чыгып, Нарын дарыясына болжол менен 50-60 метр бийиктиктен кулап кеткен.
Кырсыктын кесепетинен 2 кыз жана 9 жашар бала каза болуп, беш эркек адам ар кандай жаракаттарды алышкан. Учурда баарынын өздүгү такталууда.
Жерине 5 куткаруучу, тез жардам кызматы, ИИМден 5 кызматкер тартылган. Куткаруучулар каза болгон жана жабыркаган адамдарды унаадан чыгарып, тез жардам кызматкерлерине өткөрүп беришкен.
Пикир
Оставить комментарий