Бишкек, 12.04.23. /Кабар/. Жалал-Абад облусуна караштуу Аксы районундагы Кашка-Суу айылында №55 К. Абдырахманов атындагы орто мектептин жаңы имараты курулууда. Бул тууралуу президенттин облустагы өкүлчүлүгүнөн билдиришти.
150 балага ылайыкташкан билим берүү уясынын имаратын куруу 32 млн сомго бааланган, анын 29 млн сомун Жалал-Абад облустук өнүктүрүү фонду каржылаган. Калган сумма жергиликтүү салып. Учурда 8 млн сомдук жумуштар аткарылды.
Курулуш иштеринин жүрүшү менен облус башчысы Абсаттар Сыргабаев таанышып, ушул жылдын сентябрына чейин мектептин курулушун бүткөрүү зарылдыгын билдирген.
Пикир
Оставить комментарий