Бишкек, 12.04.23. /Кабар/. Кара-Сууда 757 муктаж үй-бүлөгө 1 млн 650 миң сомдук жардам көрсөтүлдү. Бул тууралуу Кыргызстандын мусулмандар дин башкармалыгынан билдиришти.
Маалыматка ылайык, мындай иш-чара муфтий Замир кары Ракиевдин буйругун аткаруунун алкагында ишке ашырылууда. Ыйык Рамазан айында Кара-Суу районундагы дин кызматкерлери тарабынан 757 муктаж үй-бүлөгө акчалай жардам жана күнүмдүк керектелүүчү азык-түлүктөр берилди.
Кайрымдуулук иш-чаралары район аймагындагы 27 мечиттин жамааты тарабынан көрсөтүлүп, анын жалпы суммасы 1 млн 655 миң 443 сомду түздү.
Эскерте кетсек, Кара-Суу районуна караштуу 8 мечиттин жамааты Рамазандын алгачкы он күндүгүндө 250 муктаж үй-бүлөгө 560 000 сомдук жардам көрсөткөн болчу.
Пикир
Оставить комментарий