Бишкек, 22.04.22. /Кабар/. Кыргызстанда 22-апрелге карата коронавирустун жаңы учуру катталган жок. Бул тууралуу Саламаттык сактоо министрлигинин басма сөз кызматы билдирет.
Маалыматка ылайык, илдеттен 11 бейтап айыкты.
Бүгүнкү күндө стационарларда коронавирустан 3 бейтап, амбулатордук түрдө 26 адам дарыланууда.
Стационарларда дарыланып жаткан 3 бейтаптын баарынын абалы оор.
Кыргызстанда пандемия башталгандан бери 200 миң 983 адам коронавирус жуктурган. Алардын ичинен 196 миң 371 киши айыгып чыкса, 2 миң 991 адам каза болду.
Пикир
Оставить комментарий