Бишкек, 15.02.21. /Кабар/. 2021-жылдын январь айында өлкөнүн курулуш тармагында иш алып баруу үчүн 49 лицензия жана 276 мамлекеттик квалификациялык сертификат таризделди. Бул тууралуу Архитектура, курулуш жана турак жай – коммуналдык чарба мамлекеттик агенттигинен билдиришти.
Маалыматка ылайык, жалпы 49 лицензиянын ичинен 41 уюм биринчи жолу лицензия алды.
Ошондой эле отчеттук мезгили боюнча курулуш тармагындагы адистерге 276 мамлекеттик квалификациялык сертификаттар таризделген. Анын ичинен, мөөнөтүү бүткөнүнө байланыштуу 151 сертификат узартып берилген жана 20 адиске компетенттүүлүгү жоктугуна байланыштуу сертификат берүүгө баш тартылган.
Пикир
Оставить комментарий