Бишкек, 26.04.21. /Кабар/. Ош шаарында жеке ишкерлик багытында долбоорлор ишке ашат. Бул тууралуу Ош шаардык мэриясы билдирет.
Маалыматка ылайык, 24-апрелде Ош шаарынын биринчи вице-мэри Замир Юсупов кыркка жакын чакан жана орто өнөр-жай ишканаларынын жетекчилери менен жолугушкан.
Жолугушуунун алкагында жеке ишкерлер менен социалдык-экономикалык өнүгүү багытындагы программа жана Андижан облусу менен түзүлө турган "Жол картасы" долбоорунун алкагында сүйлөшүүлөр жүрдү.
Ошондой эле жеке өнөктөш долбоорун ишке ашыруу максатында сунуш-пикирлер ортого салынды.
Пикир
Оставить комментарий