Ош шаарынын Абдыкадыров көчөсүндөгү көпүрөнү оңдоо иштери аяктоодо

Бишкек, 17.04.23. /Кабар/. Ош шаарынын Абдыкадыров көчөсүндөгү көпүрөнү оңдоп-түзөө иштери аяктоодо. Бул тууралуу шаардык мэриядан билдиришти.

Маалыматка ылайык, көпүрөнү оңдоонун алкагында 42 термошвовдорду жаңылоо иштери жүргүзүлүп, жол тосмолору, бордюрлар сырдалып, жаныланды, жол сызыктары чийилип, белгилер коюлду.

Мэриядан белгилешкендей, жолдун ортосундагы жашыл аймакты алып салуу каралган. Анткени, аларды сугаруу учурунда көпүрөнүн негизги түзүмүнө зыян келиши мүмкүн. Анын ордуна чакан архитектуралык ар кандай улуттук колориттеги түзүлүштөрдү орнотуу каралган.