Бишкек, 31.01.22. /Кабар/. Кечээ, 30-январда Жалал-Абад шаарындагы №6 мектепте кыздар жана балдар арасында кол күрөш боюнча мэрдин кубогу үчүн мелдеш өттү. Бул тууралуу Жалал-Абад шаардык мэриясынан билдиришти.
Маалыматка ылайык, мелдешке Жалал-Абад шаарынын аксакалдар кеңешинин төрагасы Дүйшөн Мамасалиев, Кол күрөш федерациясынын президенти Каныбек Эсенгелдиев, Баткен, Ош, Жалал-Абад , Ысык-Көл облустарынан жана Бишкек шаарынан 271 спортчу катышты.
Женүүчүлөр кубок, медаль жана баалуу белектер менен сыйланды.
Белгилей кетсек, аталган спорттук иш-чара Жалал-Абад шаарында калаа башчысы Эрнисбек Ормоковдун колдоосу менен алгачкы ирет уюштурулду.
Пикир
Оставить комментарий