Бишкек, 11.04.21. /Кабар/. Бүгүн жергиликтүү кеңештердин депутаттарын шайлоо жана жаңы Конституциянын долбоору боюнча референдум өтүүдө. Бишкек шаардык милициясынын басма сөз кызматынан кабарлашкандай, шаардык милиция коомдук коопсуздукту камсыз кылууну күчөтүлгөн режимде улантууда.
Маалыматка ылайык, 2 миңден ашуун милиция кызматкери шаардыктардын жана коноктордун коопсуздугун камсыздоодо.
"Милиция кызматкерлери катталган бузууларга дароо мыйзам чегинде чара көрүүдө. Учурда шаарда абал тынч, шайлоо участоктору штаттык режимде иштеп жатат", - деп айтылат маалыматта.
Пикир
Оставить комментарий