Бишкек, 13.03.24. /Кабар/. Бишкек шаарында Масленица майрамына арналган иш-чаралар өтөт.
Муниципалитеттен билдиришкендей, майрамдык иш-чаралар 15-марттан 17-мартка чейин созулат.
Алсак, 15-мартта №17 мектеп-гимназиясында, 16-мартта Балдардын жана өспүрүмдөрдүн “Сейтек” улуттук борборунда, 17-мартта Ч.Айтматов атындагы Мамлекеттик улуттук орус драма театрында, петербургдун «Морошка» чыгармачылык тобунун майрамдык концерттери болот.
Мындан тышкары, этнография боюнча лекциялар, декоративдик-прикладдык искусство боюнча мастер-класстар, ошондой эле шаардык спорттун түрлөрү боюнча мелдештер өткөрүлөт.
Белгилей кетсек, иш-чаралар Бишкек менен Санкт-Петербургдун ортосундагы гуманитардык кызматташтыкты өнүктүрүү максатында уюштурулган.
Маалымат үчүн. Масленица – көптөгөн каада-салттары бар байыркы славяндардын майрамы, ал кылымдар бою бүгүнкү күнгө чейин сакталып келет. Орозо алдындагы жумада белгиленет.
Пикир
Оставить комментарий