Бишкек, 30.07.22. /Кабар/. Бишкектеги Мурманск жана Садыгалиев көчөлөрүнүн кесилишинде кампадан чыккан өрт саат 20:10до толук өчүрүлдү. Бул тууралуу ӨКМдин басма сөз кызматы билдирет.
Белгилей кетсек, өрт-өчүрүүчүлөрдүн ыкчам аракетинин натыйжасында 450 тонна жер семирткич, 300 тонна тамак-аш тузу, 80 тонна өсүмдүк майы, 30 тонна гречка, 10 тонна күрүч сакталып калган.
Өрттүн болжолдуу аянты 1500-1800 чарчы метрди түзөт. Алдын ала маалыматка караганда, жабыркагандар жок.
Жалынды өчүрүүгө 7 бөлүм, 10 өрт-өчүрүүчү унаа, ӨКМдин 40, Кризистик кырдаалдарда башкаруу борборунун 3 кызматкери тартылган.
Ошондой эле ИИМдин 60 кызматкери, Жашылдандыруу муниципалдык ишканасынан 2, шаардык суу чарба башкармалыгынан 3 суу ташуучу унаа тартылды.
Пикир
Оставить комментарий