Дүйнөдө коронавирустан айыккандардын саны 3,6 млн адамдан ашты

Бишкек, 13.06.20. /Кабар/. Дүйнөдө коронавирустан айыккандардын саны 3 млн 631 миң 280 адамды түздү. Бул тууралуу Жонс Хопкинс университетинин атайын жүргүзгөн эсебинде көрсөтүлгөн.

Ага ылайык, дүйнөдө илдетти 7 млн 652 миң 949 адам жуктурган. Алардын 425 миң 888и каза болду.

Коронавирусту эң көп АКШда 2 млн 48 миң 986, Бразилияда 828 миң 810, Россияда 510 миң 761, Индияда 308 миң 916, Улуу Британияда 294 миң 402, Испанияда 243 миң 209, Италияда 236 миң 305, Перуда 214 миң 788, Францияда 193 миң 220, Германияда 187 миң 226, Иранда 182 миң 525 адам жуктурган.