Бишкек, 31.01.24. /Кабар/. Ысык-Көл облусунун башчысы Эмилбек Абдыкадыров Каракол шаарынын базар ээлерин кабыл алды.
Президенттин Ысык-Көл облусундагы өкүлчүлүгүнөн билдиришкендей, Эмилбек Абдыкадыров базар жетекчилери менен жолугушууда Каракол шаарынын жергиликтүү базарларындагы шарттарды тез арада жакшыртуу зарылдыгын билдирди
«Шаардын инфраструктурасын өнүктүрүү жана базарларды жакшыртуу – приоритеттүү милдет. Учурда ишкерлердин эффективдүү иш алып баруусу жана кардарларга ыңгайлуу шарттарды түзүү алдыга койгон максатыбыз», - деп баса белгиледи ал.
Облус башчы Каракол шаарына келген меймандарга жана туристтерге жагымдуу шарттарды түзүүгө арналган долбоорлорду колдоого аларын кошумчалады.
Пикир
Оставить комментарий