Бишкек, 22.11.23. /Кабар/. Түп районунда изделип жаткан 78 жаштагы карыянын сөөгү суудан табылды. Бул тууралуу Өзгөчө кырдаалдар министрлигинен билдиришти.
Маалыматка ылайык, күн мурун 21-ноябрда саат 16:20лар чамасында ӨКМдин Ысык-Көл облустук башкармалыгынын адиси жана Түп районундагы куткаруучулар Түп суусунан адамдын сөөгүн дрон аппаратынын жардамы менен табышты.
Белгилей кетсек, 17-ноябрь күнү үйүнөн чыгып дайынсыз болгон 78 жаштагы адамдын туугандары издешкен. Андан натыйжа болбогондуктан 19-ноябрда ӨКМдин Түп райондук бөлүмүнө кайрылышып, куткаруучулар издөө иштерин жүргүзүшкөн.
Пикир
Оставить комментарий