Бишкек, 23-март /Кабар/. Бишкек тургунунун ачык калган унаасын айдап кеткен.
Бишкек ШИИБ басма сөз кызматы билдиргендей, Свердлов райондук ИИБге 24 жаштагы шаар тургуну, 21-мартта саат болжол менен 21:00 чамасында белгисиз бирөө “Ак-Тилек” конушундагы үйүнүн короосунда турган унаасын айдап кеткендигин айтып кайрылган.
Арыз ээсинин айтымында, ал ачкычын унаанын ичине калтырып, 5 мүнөткө үйүнө кирип кеткен. Кайра чыгып, «Honda Fit» маркасындагы унаасын таппай калган.
Ыкчам-издөө чараларынын жүрүшүндө Свердлов райондук ИИБдин кылмыш издөө кызматкерлери Бишкек шаарынын 42 жаштагы М.Р. аттуу тургунунун кармаган.
Свердлов райондук ИИБдин тергөө бөлүмү тарабынан КР ККнын 172-беренесине (унаа же башка транспорттук каражаттарга мыйзамсыз түрдө ээ болуу) ылайык кылмыш иши козголду.
Пикир
Оставить комментарий