Бишкек, 29.11.23. /Кабар/. Кыргызгидромет борбору 29-ноябрда өлкө аймагында күтүлгөн аба ырайы тууралуу маалымат таратты.
Ага ылайык, бүгүн Баткен облусунун тоо этектеринде жаан, тоолуу райондорунда кар жаашы күтүлөт, калган аймактарда жаан-чачын күтүлбөйт.
Батыштан соккон шамалдын ылдамдыгы секундасына 4-9 метрге жетиши күтүлөт.
Абанын температурасы Чүй облусунда +14...+19, Талас облусунда +12...+17, Ош, Жалал-Абад, Баткен облустарында +15...+20, Ысык-Көл, Нарын облустарында +6...+11 градус болот.
Ал эми абанын табы Бишкек шаарында +17...+19 градуска жетет.
Пикир
Оставить комментарий