Бишкек, 21.12.23. /Кабар/. "Бишкексууканал" өндүрүштүк-эксплуатациялык башкармалыгы ай сайын суу менен камсыздоо жана саркынды сууларды чыгаруу кызматтарынан пайдалануу эрежелерин бузган 35-40 абонентти аныктайт. Бул тууралуу шаардык мэрия кабарлайт.
Белгиленгендей, башкармалыктын абоненттери келишимдердин жана тарифтердин шарттарын бузуп, сууну жана агын сууларды максатсыз пайдаланышат.
"Бишкексууканал" бардык абоненттерге тиешелүү тарифтер боюнча кызматтарды көрсөтүүгө келишимдерди өз убагында кайра түзүүнүн маанилүүлүгүн эскертет.
Мисалы, тарифтөө маселелеринде ченемдерди сактоо жана адилеттүүлүктү камсыз кылуу үчүн, эгерде турак үй коммерциялык максатта пайдаланылса, тиешелүү тарифтер боюнча келишим түзүү зарыл.
Болбосо" Бишкексууканал " абонентти өчүрүү жана керектелген суу үчүн эсептөө жүргүзүү укугун өзүнө калтырат.
"Бишкексууканал" өндүрүштүк-эксплуатациялык башкармалыгы абоненттерден суу пайдалануу эрежелерин бузбоону суранат.
Пикир
Оставить комментарий