Бишкек, 01.04.22. /Кабар/. Жалал-Абад облусунун Базар-Коргон райондук прокуратурасы тарабынан мектеп куруу үчүн ажыратылган жер аянты муниципалдык менчикке кайтарылды. Бул тууралуу Башкы прокуратуранын басма сөз кызматы билдирет.
Маалыматка ылайык, текшерүүнүн жүрүшүндө Могол айыл өкмөтүнүн 2020-жылдагы токтому менен Кара-Ой айылындагы мектеп куруу үчүн ажыратылган жер аянтынын ичинен жеке менчикке жер ажыратылып берилип кеткендиги аныкталган.
Аталган жер аянтын мамлекетке кайтаруу максатында Базар-Коргон райондук прокуратурасы тарабынан сотко келтирилген доо арыздар толугу менен канааттандырылган.
Райондук прокуратура тарабынан келтирилген талаптын негизинде 1 млн 70 миң сомдук мектептин жер тилкеси мамлекетке кайтарылды.
Пикир
Оставить комментарий