Бишкек, 26.02.20. /Кабар/. Бишкек шаардык мэриясы коомдук жерлерди көрктөндүрүү иштерин баштады.
Бишкек шаардык мэриясынан билдиришкендей, учурда Манас менен Рыскулов көчөлөрүнүн кесилишинде, "Океан" дүкөнүнүн алдында курулуш иштери жүргүзүлүп жатат.
"Тазалык" ишканасынын 40ка жакын кызматкери 4 миң чарчы метр жерге брусчатка төшөп, бордюрларды орнотууда. Жакында ал жерде 30 орундук жана 9 таштанды челектери коюлат", - деп билдиришти мэриядан.
Брусчатка төшөлгөндөн кийин ишке "Бишкек жашылдандыруу" жана "Бишкек жарык" ишканалары киришет. "Тазалыктын" кызматкерлери жумушту март айынын аягына чейин бүткөрүүнү пландап жатат.
Пикир
Оставить комментарий