Бишкек, 27.05.19. /Кабар/. Бишкекте 13 жашар велосипедчен кызды жүргүнчү ташуучу “Mercedes-Benz” үлгусүндөгү маршрутка коюп кетти. Бул тууралуу Жол кыймылынын коопсуздугун камсыз кылган башкы башкармалыгынын (ЖКККББ) басма сөз кызматынан кабарлашты.
Маалыматка ылайык, бүгүн саат 13:25тер чамасында Профсоюз-Кайназаров көчөлөрүнүн кесилишинде кичиавтобусту башкарып келе жаткан 45 жаштагы айдоочу өспүрүмдү койдуруп кеткен.
Жабыркаган кызды тез жардам унаасы менен ооруканага жеткиришкен. Ал эми унаа атайын айып унаа токтотуучу жайга киргизилген.
Пикир
Оставить комментарий