Бишкек, 24.02.23. /Адил Төлөгөнов - Кабар/. Кыргызстандык спортчулар Айсулуу Тыныбекова менен Айпери Медет кызы Египетте өтүп жаткан Ibrahim Moustafa эл аралык мелдешин жеңиш менен баштады. Бул тууралуу Бириккен күрөш дүйнөсүнүн (UWW) сайтында айтылат.
Айсулуу Тыныбекова кыз-келиндер күрөшү боюнча 62 кг салмакта мелдештин 1/8 финалында франциялык Амелин Дуар менен күрөшүп, аны 7:0 эсебинде утуп алды. Ал эми Айпери Медет кызы 76 кг салмакта германиялык Франци Рейделтти 11:0 эсебинде жеңип алды.
Мелдеш 21-25-февраль күндөрү Александрия шаарында өтүүдө.
Эскерте кетсек, Египеттеги эл аралык мелдеште Акжол Махмудовдун агасы Сыймык Махмудов (63 кг) жана Раззак Бейшекеев (67кг) грек-рим күрөшү боюнча коло медаль уткан.
Пикир
Оставить комментарий