Хоккей боюнча дүйнө чемпионаты: Кыргызстан Иранды 13:1 эсебинде жеңди

Спорт 0


Бишкек, 03.03.22. /Адил Төлөгөнов - Кабар/. Бүгүн, 3-мартта Бишкекте 4-дивизиондогу командалар арасында хоккей боюнча дүйнө чемпионаты старт алды.

Мелдеш шаардык муз аянтында 3-8-март аралыгында өтүүдө.

Чемпионаттын алкагында Кыргызстандын курамасы Ирандын командасы менен муз талаасына чыкты. Оюндун биринчи бөлүгү 4:1 эсебинде Кыргызстандын курамасынын жеңүүсү менен аяктады.

Ал эми экинчи бөлүктө кыргызстандык хоккейчилер күчтүүлүгүн көрсөтүп, эсепти 10:1ге өзгөрттү. Соңку бөлүгүндө Кыргызстандын курамасы атаандашынын дарбазасына үч гол киргизип, жалпы эсепти 13:1ге айлантты.

Буга чейин Малайзия менен Кувейттин командалары оюн өткөрүп, 5:2 эсебинде Малайзия атаандашын утуп алган.

Эскерте кетсек, аталган турнирде жалпы жонунан беш команда: Кыргызстан, Иран, Кувейт, Малайзия, Сингапур жана Ирандын курама командалы күч сынашууда.

Оюндун жүгүртмөсү:
1-тур 3-мартта өтөт:
Саат 16:00дө Малайзия — Кувейт;
Саат 20:00дө Кыргызстан — Иран.
2-тур 4-мартта өтөт:
Саат 19:00дө Сингапур — Иран.
3-тур 5-мартта өтөт:
Саат 17:30дө Кувейт — Сингапур;
Саат 20:00дө Кыргызстан — Малайзия.
4-тур 6-мартта өтөт:
Саат 19:00дө Иран — Кувейт.
5-тур 7-мартта өтөт:
Саат 17:00дө Малайзия — Иран;
Саат 20:00дө Кыргызстан — Сингапур.
6-тур 8-мартта өтөт:
Саат 17:00дө Сингапур — Малайзия;
Саат 20:00дө Кыргызстан — Кувейт.

Хоккей боюнча дүйнө чемпионаты Кыргызстандын аймагында биринчи жолу өтүүдө.

Пикир

Оставить комментарий